بغير عليه

بغير عليه .. من كل عين بتبص له بصة غرام

بغير عليه .. من كل إيد بترد له حتى السلام

بغير عليه .. أو من شفايف تشغله بالإبتسام

بغير عليه وفيها إيه ..

مادام بحبو ماغيرش ليه

 

الناس عيونهم متقصداه وبينادوله بألف أه

عارفين هيامي بيه .. شايفين غرامي ليه

وبرضو هايمين وراه .. وبس ح أعمل معاهم إيه

غير إني أفضل أغير عليه

ماغيرش ليه .. وفيها إيه .. مادام بحبو ماغيرش ليه

 

من كتر حبي عليه بغير .. ومهما خبي حاجات كتير

بيباين عليا .. أنا عايزة إيه

عايزة لوحدي سلام إيديه

ويكون لي وحدي سواد عينيه 

وانا إللي وحدي أشتاء إليه

وأخاف عليه .. واغير عليه

مادام بحبو ماغيرش ليه